1948ರ ಏಪ್ರಿಲ್ 24ರ ಈ ದಿನದಂದು ಕೇವಲ ಬೆರಳೆಣಿಕೆಯಷ್ಟು ಕ್ರಾಂತಿಕಾರಿ ಸಂಗಾತಿಗಳ್ಳೊಂದಿಗೆ ತಮ್ಮ ಪಯಣನ್ನು ಪ್ರಾರಂಭಿಸಿದ ಕಾಮ್ರೇಡ್ ಶಿವದಾಸ್ ಘೋಷ್‌ರವರ ಅಮೋಘ ಸೃಷ್ಟಿಯಾದ ನಮ್ಮ ಪಕ್ಷವು ಈಗ ಒಂದು ಗಮನಾರ್ಹ ಶಕ್ತಿಯಾಗಿ ಮಾರ್ಪಟ್ಟಿರುವುದಲ್ಲಿ ಆಶ್ಚರ್ಯವೇನಿಲ್ಲ. ದುಡಿಯುವ ಜನರನ್ನು ಹೆಚ್ಚೆಚ್ಚು ಆಕರ್ಷಿಸುತ್ತಿರುವ ವರ್ಗ ಮತ್ತು ಜನ ಹೋರಾಟಗಳನ್ನು ಸಂಘಟಿಸುತ್ತಿರುವ ಮತ್ತು ತೀವ್ರಗೊಳಿಸುತ್ತಿರುವ ಪ್ರಬಲ ಶಕ್ತಿಯಾಗಿ ಅದು ದಾಪುಗಾಲನ್ನಿಡುತ್ತಿದೆ. ದೇಶದ ಕ್ರಾಂತಿಕಾರಿ ಶ್ರಮಜೀವಿಗಳ ಮುಂಚೂಣಿ ಪಡೆಯಾಗಿರುವ ಎಸ್‌ಯುಸಿಐ(ಸಿ) ಪಕ್ಷವು, ಎಲ್ಲವನ್ನೂ ನಿರ್ಧರಿಸುವುದು, ಸರಿಯಾದ ಕ್ರಾಂತಿಕಾರಿ ರಾಜಕೀಯ ಸಿದ್ಧಾಂತದೆಡೆಗಿನ ಬದ್ಧತೆಯೇ ಎಂಬ ಮಾರ್ಕ್ಸ್ ವಾದ-ಲೆನಿನ್‌ವಾದದ ಅಮೂಲ್ಯ ಚಿಂತನೆಗಳ ಸಾಕಾರ ರೂಪವೇ ಆಗಿದೆ. ಸಮಕಾಲೀನ ವಿಶ್ವದ ಪ್ರಸಕ್ತ ಪರಿಸ್ಥಿತಿಯಲ್ಲಿ ಕಾಮ್ರೇಡ್ ಶಿವದಾಸ್ ಘೋಷ್ ಚಿಂತನೆಯು ಮಾರ್ಕ್ಸ್ ವಾದ-ಲೆನಿನ್‌ವಾದದ ವಿಸ್ತೃತ, ಅಭಿವೃದ್ಧಿ ಹೊಂದಿದ, ಸಮೃದ್ಧ ತಿಳುವಳಿಕೆಯನ್ನು ಪ್ರತಿಬಿಂಬಿಸುತ್ತಾ ದೇಶದ ಗಡಿ ದಾಟಿ, ವಿದೇಶದಲ್ಲಿಯೂ ಕಮ್ಯುನಿಸ್ಟ್ ಕ್ರಾಂತಿಕಾರಿಗಳನ್ನು ಪ್ರೇರೇಪಿಸುತ್ತಿದೆ. ಇದಕ್ಕೆ ತದ್ವಿರುದ್ಧವಾಗಿ, ಈ ನೆಲದ ಎಲ್ಲಾ ಇತರ ಪಕ್ಷಗಳು, ದೊಡ್ಡವು ಅಥವಾ ಚಿಕ್ಕವು, ಅವು ಯಾವುದೇ ಬಣ್ಣ ಮತ್ತು ವರ್ಣದ್ದಾಗಿರಲಿ, ಕಮ್ಯುನಿಸ್ಟ್ನಿಂದ ಮಾರ್ಕ್ಸ್ ವಾದಿ-ಲೆನಿನ್‌ವಾದಿ, ಹೀಗೆ ಯಾವುದೇ ಹೆಸರಿನ ತಥಾಕಥಿತ ಎಡಪಂಥೀಯ ಪಕ್ಷಗಳಿರಲಿ, ತಮ್ಮ ಹುಟ್ಟಿನಿಂದಲೇ ಅವು ಪಾಲಿಸುತ್ತಿರುವ ತಪ್ಪು ರಾಜಕೀಯ ಸಿದ್ಧಾಂತದಿಂದಾಗಿ ಮತ್ತೆಮತ್ತೆ ಹೋಳಾಗುತ್ತಿವೆ, ಜನರಿಂದ ದೂರಾಗುತ್ತಿವೆ.